ليه تبعد

ليه تبعد وانت قربك يوم عيد
وليه ترخصني وانا مغليك ياسمح الجناب
ليه تقسى وانت لين والقسى همك بعيد
وليه فصلت لجمودك من شراييني ثياب
وليه فجاءة تنسحب من دون شرط ومن دون قيد
وليه تلغي ما يسمونه شروط الانسحاب
وليه وليه تترك ظنك الظالم على راسي يذيب
وليه ما واجهتني وخذت من راسي جواب
وليه غبت وليه رحت وليه تتركني وحيد
وليه ما حنيت قلبي من كوابيس الغياب
ما دريت انك وريد الدم او دم الوريد
يعني العيشه من دونك ثامن السبع العجاب
وما دريت أني عشقتك صدق يالعشق العنيد
وانٌ ما قبلك يسمى ايش يمكن نزوة شباب
يعني معقولة ما تدري لا لا لاشي اكيد
انت تدري بس وش سر الانقلاب
الله اكبر ماانت خابر ليله العمر السعيد
يوم كنا نكتب الذكرى على غلاف الكتاب
وين كنا وين صرنا وليش والا ليه اعيد
المشكله غاب وبعد كل ما يذكرني فيه غاب
لا سؤال ولا وصال ولا اتصال ولا بريد
حال يكسر خاطر الميت وهو تحت التراب
منت والله مستفيد ولاني والله مستفيد
ما كسبت الا عذاب ولا كسبت الا عذاب
والاكيد اللي عليه احلف واقول انه اكيد
ان قلبي من فراقك ذاب ذاب ذاب ذاب

بسم الله الرحمن الرحيم
عزيزي نايف
تحية طيبة وبعد,
الله لا يجيب البعد الحب بالقلب واليحب عمرة ما يكره
واشكرك على مساهمتك الرائعة